اعلنت الاغلاق

مادامك انته مشركٍ بالمحبة
اليوم لازم تؤمن بصد وفراق

شخصٍ هواك وكنت بالقلب حُُبّه
ماعاد يهواكم ولاعاد يشتاق

ماعادلك بالقلب مثقال حبّة
من لهفة الماضي ومن زود الاشواق

اللي يخون احبابه الهجر طبّه
وش فايدة حبٍ على غير ميثاق

كم قلتلك قلبي يناديك لبّه
قلبٍ تمنى منك لو لحضة عناق

كان الوله في ضامري ضو اشبّه
ابغى الدفى واثره يسببلي احراق

واثر غرامك في طريقي مطبّه
اكلتها والقلب من بعدها فاق

كنت احسبك عشقي واثرني مشبّه
آسف على عشقٍ سكن جوف الاعماق

حبيت قبل اروح اذكّر وانبّه
قلبي ترى عن حبك (اعلنت الاغلاق)

ان كان باقي شوق انا ارجوك خبّه
اكيد تحتاجه مع اللي لكم لاق

مادامقلبك مشركٍ بالمحبه
اليوم لازم تؤمن بصد وفراق

وانا عتيبي مارجى غير ربه
عزيز نفس لعزة النفس عشّاق