ياذوق رُوق وفُوق ..!

شفت الوله بالعين مهدود حيله.
ياللي تناظرني .. بعينك رساله.

ودك وانا ودي من الوقت ليله.
عجل ترى جوفي يزيد اشتعاله.

ياذوق روق وفوق للعمر ميله.
في مفرق الايام تلقى الدلاله.

فيني وله يغرق بالاضلاع سيله.
فيني حنينٍ ..... ماتفرق اخياله.

إما تحضن القلب .! والا نشيله.
ونشيل حبٍ .... ماندور بداله.

شلتك ثلاث اسنين كنك دخيله.
في صدر رجالٍ ينادي دلاله.

عينك بحر هادي .. لياله طويله.
وصبيت في بحرك بحور الجزاله.

اما يجيك القلب .. والا تجي له.
فكر تذكر .... كل قولٍ لحاله.

اخترت قلبك .. مارضينا بديله.
حيثه كفو للقلب يسكن مجاله.

غلاك يسوى في عيوني قبيله.
خل التغلي مالك اليوم ماله.

ياعين صالح.! روح ذاتي عليله.
وانتي دواي اللي صعيبٍ مناله.

عظيم حبي .. ماحفظتي قليله.
وشلون لو ذقتي غرام الاصاله.

انا بدوي .... همه وفاه لخليله.
يبقى على عهده ونادر خصاله.

يموت من دون العهود الثقيله.
لو كان وقته مايحشم الجماله.

ياعينها ...... والله منتي بخيله.
جاك الغلا.! والشوق رد الرساله.