جيت اعزي جاري ابراهيم بمه .

لـ محمد البياضي، ، في الانشاد والشيلات، آخر تحديث

جيت اعزي جاري ابراهيم بمه . - محمد البياضي

جيت اعزي جاري الدكتور بمه
جاري ابراهيم رجال ٍ قدير
وايضاً اخوانه وايضاعيال عمه
واجب الجيره عليّ واجب كبير
والعلاقه من زمن همي وهمه
واحد اً والحمل في ظهر البعير
والنوايا صافيه والناس قمه
بالادب والطيب واكرام القصير
وبي عزيمه باقيه وللنفس همه
وامتمسك بالمبادي لو يصير
لاي منا ظرف طاري رحت يمه
مثل ما كنا قبل والوضع غير
انفتح بي جرح مدري كيف المه
والاصابه جرحها جرح ٍ خطير
امكم تعني لنا خاله وعمه
حسب ما فينا انغرس وسط الضمير
كل منا ساري ٍ بعروق دمه
حبها وحب ٍ لها ما له نظير
دونها لو اسود البارود اشمه
مير هذا الموت ما عنّه مطير
ومن احاسيس ٍنطقها لسان فمه
جاك جارك لا بشير ولا نذير
جاء يقول الصبر يا ما زاح غمه
ومالنا الا الصبروالمركب يسير
وعد من صلى على رسول الامه
نطلب الرحمه لها صبح وعصير
© 2024 - موقع الشعر