ابيات من الشاعر/ محمد السلمي وردي .

لـ محمد البياضي، ، في الصداقة والاخوه، آخر تحديث

ابيات من الشاعر/ محمد السلمي وردي . - محمد البياضي

ابيات محمد السلمي /
 
زلتك هذي ترى ما نعتبرها غلطه
ليت وانك فالشهر تغلط كذا كم مره
انت ياابوبجاد من شعار نظم وقلطه
البيوت جزال للاخصام حلوه ومره
يا عسى يفداك من شعره سوات الخلطه
المعاني تخطره متعديه وتمره
والله ان النوع هذا اللي يجيب الجلطه
ودك انك تسفهه ما تسمعه بالمره
 
الرد /
 
زلتي في رقم من يمتلك عز وسلطه
شرفه حاضر بناه وماضي ٍ كم سره
من زمان الخيل والبل والرماح العلطه
وين ما وجه بطل خيره يسابق شره
ما يعشق الاّ الذلول ويعتليها ملطه
للصعاب الكايده ياابوفهد تتشره
السموحه منك والا العالم المنبلطه
ماتوقف في لزوم ولا تقص الجره

مناسبة القصيدة

ابيات لها موقف من اخي وزميلي الاستاذ / محمد بن مثلب السلمي وردي .
© 2022 - موقع الشعر