ابيات من الشاعر المرحوم/ محمد عبد الله البياضي وردي.

سلام يابو بجاد ابناخكم ماهو على كان
اليوم متكسر الرجلين وذراعه دشاشي

من بعد ماهو على الليّ يقطعن البعد بقران
اليوم عاجز عن الليّ له ونايم بالفراشي

يوم اتلفت وانادي لحاجتي جاني بكستان
وان قلت مافهم كلامه جاء بداله بنقلاشي

طلبت ربي يعافيني وربي عالي الشان
وامشي على صحه الاقدام لو دربي عكاشي

وأجبت عليه بهذه القصيده :-
يامرحبا عد مابرق ٍيلوح بغر الامزان

وممطرت من صدوق الوسم واسقت كل ماشي
بك ياكبير الجماعه عندنا من عز الاخوان

ماقولها زور يا محمد ولا فيها نقاشي
شكواك خلت ضلوعي يشتكن من سهر الاعيان

والجو عتم عليّ وصار بعيوني غباشي
من قبلها يا محمد في ضميري هم يشعان

يحدر ويسند لك الله يالبناخي جوف جاشي
والنفس جازت وخلت حقها والطرف سهران

لكن هان الالم من شفت رجلك بالقماشي
والعبد ماله عن المقسوم لونه حط جنحان

ان راح للشام ولا راح لبلاد النجاشي
اصبر تصبر يفرجها عليم بحال الانسان

الواحد الخالق المعبود رزاق المواشي
وبقدرة الله تبا تمشي على الاقدام بامان

وتعوض الليّ مضى كن امهلت والراس عاشي