لاباس يارجل الوفا والشهامه
الله يجيرك ياكعام العنيدي
يالله ياجالي بنوره ضلامه
تامر لبويه با لشافا من جديدي
يارب معيه قومه با السلامه
بالعافيه يمشي عديدن شديدي
جعله من اللي صار يبراسقامه
يالله يامحي الهشيم الهميدي
عساه فا الدنيا يحصل مرامه
ويكتب له المعبودعمرن مديدي
حتى انبدل حزننا ببتسامه
الشرجعله يافهد مايعيدي
ماعادوالله ينقلنه عظامه
قام المرض في وسط جسمه يزيدي
ولياهرج ماعادنفهم كلامه
ينشب لسانه فالجماياعضيدي
يارب تفرجله وترفع مقامه
انت الطبيب اللى علاجه يفيدي
يافارضاً حجه وفارض صيامه
يالواحدالمعبودحبلك جويدي
ليا قلة جفني ماهتنافي منامه
محدً مكذبني بعلماًًًًً وكيدي
وقتاً يروع اللي بسن الفطامه
فيه القريب نحسبنه بعيدي
احدن رحل وحدن يبني خيامه
ياسرع من عقب النزول الشديدي
مهمايعيش العبد يومه وعامه
الموت يا قربه بحبل الوريدي
المسعد اللي يحسن الله ختامه
ترجح موازينه نهار الوعيدي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين