لاباس ياقلب القرادات لاباس - حمد الحربي

يامل قلبٍ كل ماهب نسناس
طرا عليه اللي على القلب والي

اللي لمر بخاطري يقعد الراس
واضرم لشوفه ليت لي به مجالي

يازين حظي حينها ماله اجناس
مير العوج ماصبح بسيرٍ عدالي

لا باس ياقلب القرادات لاباس
لابد لوكبرت قفاها الزوالي

صحيح تونس من فضيعات الاوناس
لكن عسى الله يبدل المر حالي

محدٍ من هموم الدهر عاش ب افلاس
كلٍ على متنه يشيل الثقالي

وياكف شومي ضربك اخماس ب اخماس
مارد لك مع صادق الود غالي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر