يضيق صدري كل ما صبحت وامسيت
والعين تسهر مايبطل عناها
صفقت با الكفين صفقه وونيت
منها شراييني توقف اد ماها
عديت لين اني من العدي مليت
وسبوت رجليني تبين حفاها
مافادني كثر المنا لو تمنيت
والكبد عيا الماء يبرد ضماها
وليا نشدني واحدن عنه صد يت
ماودي الاسرار يكشف خفها
الشجره اللي عودها يابسً ميت
العام يوم القيض حره شواها
يبس الورق منها كما عود كبريت
وانحت عقب القيض باول اشتاها
ريحانةٍ تاخذ قلوب النعاتيت
راحت هشيمه وطحنتها رحاها
مابا قي الا العرق دونه دناميت
لوانفجر شال العروق ومحاها
اشوفها راحت وانارحت واقفيت
مافاد للعين الشقيه مناها
واليوم جاني علم بشْرأ وفزيت
وانا من اول من قطع من رجاها
نبتت واناعقب الحسايف تهنيت
يوم المطر بل العروق وثراها
في وسط روضً ما تجيه السرابيت
بارضً رفاع وقام يطرق هواها
مافيه كود الطير جاله تصاويت
يوم اختلط عشب المسايل وماها
يرعد مطرها فوق رؤس الطواغيت
البرق يبرق والمزون بسماها
عادت كماعادت على جابركويت
يوم العدو صدام جيشه غزاها
ياليتني قطفت من وردها ليت
ولويت حبلي ثم عقد ته وراها
ورد الغصون ليا حصلي تشا فيت
من علتي يومن داها دواها
من حبها لاني بحين ولاميت
ليت الدواء منها يعالج لداها
والله يثبتني على الحق تثبيت
ونفسي عن الز له عساه يحما ها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين