اباطلب إلهً يحيي الارض عقب السيل
يكثر هل الطاعه ولاشرار يخذلها
كريماً حمى بيته من الفيل وهل الفيل
طلبته لعله دعوتي يستجيب الها
بعد ما طلبت الله بدا لقيل با التفصيل
من الها جس اللي كل كلمه يحللها
ابانصح مادام النصح يقبل واله تفضيل
ليا قلت كلمة حق تسمع وافصلها
نصيحه المن هو عن طريق النجاه يعيل
هديه المن يسمع لها وتقبلها
تغانم من الفرصه صلاةٍ بتال الليل
قبل لاتفوتك فرصةٍ ماتحصلها
وتدبر كتاب الله وكثر من التهليل
وعليك الفروض الخمس لازم تكملها
وقول الشهاده مخلصٍ ل الله الجليل
وصلاةٍ على اللي طغمة الشرك قاتلها
وعليك بحجيج البيت والصوم با لتكميل
صيام رمضان وليلة القدرقوم الها
وسوق الزكاه المستحق وترك التهميل
تراهافريضه سوقها لاتجا هلها
وترىالبرفي ولداك مذكور اله دليل
تمعن بالايه واقرها ثم رتلها
فمهما فعلت بهم من البروالجميل
ترى ربع بعض افعالهم مانت واصلها
وتمسك بدينك واتكل با الله التوكيل
توكل على الله مثل ماقيل وعقلها
ولاتراوي بدينك وتحسب من الجهيل
ترى الله خلق خلقه ولاهوب مهملها
ترىالكبر يابن ادم يوديك وادي ويل
هل الكبر قالو فا سفل النار منزلها
ترى مانت واصل حروت الجدي والاسهيل
يغرك ابليس وقمت الاشناب تفتلها
تصدق بمالك وانتبه لا تصير بخيل
الاموال لو جمعتها مانت باكلها
وترى الحكي فا عراض البشر قال ولاقيل
حراماًعليك اعراضها لاتورسلها
وترى الوقت يضحكلك وغدره يهد الحيل
توقع ترى اله ضربةٍ ماتحملها
ودنياك لوتز ين لابدفيها ميل
تلوعك بلوعتها عسى الله يغربلها
تفكر بوقتك وين جيلاً بعدهم جيل
نزل ناساً وناساً تقافت رحايلها
وين اجدادنا اللي قاتلو في ظهور الخيل
بقى ذكرهم كاء احلام للي تخيلها
لياطرولهم قمت امسح الدمع با المنديل
اتحرك شعوري عبرتي يوم اكايلها
رجالاً تكيل وتوفي الكيل لهل الكيل
قرينا من التاريخ باقي فعايلها
مثل مابديت اختم كلامي بتا ل القيل
صلاةٍ على اللي كلمة الحق قايلها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين