سلام يارجل المواقف والكرامه ولوجاه - خليف الوهيداني

سلام يارجل المواقف والكرامه ولوجاه
يامحمد ابن عبيد ياراع العلوم الطيبات

يامسند اللي حزت الشدات والضيقه نصاه
يامكرمن ظيفك وجيرانك برؤس الغاليات

ياللي مدى طيبك بحر عميق مايلحق مداه
ياراقين للمرجله رؤس الجبال الكايدات

الله يحفظ اللي عليه اثنوا ربوعه وقصراه
اللي يدينه للمعزه والكرامه طايلات

والقل من دون المراجل والكرامه ماحداه
وماردته عوج الظروف الحاضره والماضيات

والمرجله ماهي بجمع المال وبيت الغناه
كم من غنين ماكسب بالمال طيب والاحسنات

واللي بحزات الرخارجل(ن)باثقله وبنباه
يبا يبين ليا لقيته بالليال المقبلات

والا محمد مثبت(ن)قول وفعل ساعة لقاه
وفعل يمينه عند خلق الله قدمله ثبات

فعل يمينه طيب الافعال علا مستواه
ماهي فعول اللي فعوله بالكلام امزيفات

ماقلتها لي حاجت(ن)والا مطالب من وراه
اقولها فيه افتخر ياهل الوجيه الباردات

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر