تلبية دعوة الشيخ مفلح زبن الجهني

لـ ، ، بواسطة عشيان بن سليمان، في غير مُحدد

المنسابة: مشاركة الشاعر في حفل الشيخ مفلح بن زبن العرفي الجهني عندما دعاه والمقام في قرية المربع يوم الخميس الموافق : 24 / 1 / 1432 هـ

حنا مشينا بدعوتنا ً من جهينه
مفلح دعانا وقلت يامرحبابه
شيخ ٍ دعانا والعرب مادحينه
حنا علينا واجب الإستجابه
فوق ألف كيلو مع طريق المدينه
بإرض المربع محتمينا ً شرابه
وعيال وايل جوه ومقدرينه
من زود قدره عندهم والمهابه
فوق الجيوب مصفيات المكينه
بالوصف مثل مسولعات الذيابه
الكل منهن شركة ضامنينه
مع المسافه والبطا عن خرابه
إدناهن اللي يوم تسمع رطينه
رطين ترك ٍ في نهار الحرابه
الفاليات مفرغات الخزينه
يوم إنتحن مثل القطا مع سرابه
المبعدات وجايبات الغبينه
المفرحات مقربات النسابه
مثل الإسود اللي تناحى بعرينه
وعليهن اللي يطعجون العصابه
أهل الطعنه محتمين الضعينه
وكل بجده جايز ٍ لإنتسابه
وشكري لبن فندي ياسامعينه
له لابتة ً بالطيب ياوي لابه
وحتى العنيني بالكرم خابرينه
ياكرم ليا شح البخيل بزهابه
هذي جهينه يالي تجهل جهينه
عز الصديق وللمعادي حرابه
اهل العلوم الطيبه والثمينه
أستقبلونا بكل لطف ورحابه
وسلم العرب بصدورهم حافظينه
والسلم واحد والطبايع تشابه
ويامنزل ٍ على العباد السكينه
عز السعود اهل الفخر والمهابه
ملكنا طاب ونطلب الله يعينه
والله يرده عقب فترة غيابه
وصلوا على الهاشمي بالمدينه
أعداد ماهل المطر من سحابه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين