سلامي على شيخ القبيله .. رفيع الشان
ليا عدّو الشيخان .. يذكر من أوّلها
سلالة بني شحاد .. والمنسب الجهنان
ونعم القبيله .. والبشر ما تجاهلها
يوم ان الزمان اغبر .. وزاغت به الاذهان
ونار الفتن قامت .. شياطين تشعلها
وقف بالمواقف .. يوم شطت بها الريقان
يوم ان .. الحمول اثقال محد ٍ تحملها
وثم قرر الوزنه على شوكة .. الميزان
واذا شاف له ميله .. يجيها يعدّلها
يمينه مثل .. مزنه تسقّى بها الريضان
وعلى طول هالاعوام .. ماجف وابلها
واذا جيت بيته .. ما قفل دونك البيبان
تلاقي هلا وابشر .. من القلب قايلها
بوقت .. الشدايد صار مثل الذرى وكنان
ومن طيب .. راسه هالشرابيك حلحلها
هذا فزعة الملهوف .. ومكرّم الضيفان
ونفسه .. على وقفاته الله جابلها
ولو دارت .. الدنيا فعوله هي العنوان
على صفحة التاريخ .. والوقت سجلها
وانا بفتخر في .. راعي الموقف كحيلان
عريب الأصل ساس المراجل .. ومدهلها
وريث الندى .. فرز الوغى الشامخ السلطان
سنام الوفا ساس .. المعزه ومنهلها
واعرف القوافي ما توفي مع .. الاوزان
لإن قامته .. كل القصايد متاصلها
لوإنه .. مايلبس بشت مابين هالعربان
هذا شيخته ورث .. وعلى ساس نايلها
وغيره .. مشيّخ نفسه وبشته الدرسان
ولو زاد .. ماله شيخته بس تخيّلها
ولااقول فيه قصور والنعم .. بالشجعان
رجال ٍ على الطالات تكسب .. بناملها
ذكرت .. القليل وقلتها بالفم المليان
ليا عدّو الشيخان .. يذكر من أوّلها
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.