انا قضية عام الفين ,, {.. مغدور ..} - خالد النبهان الشمري

تدري علامي ضايق الصدر مقهور ..؟؟
اشوف حبي ضايعن من حياتي ..!!

واكبر مصيبه اخر الحلم مكسور ..
والصبر دايم من مزايا صفاتي ..

ياوقت ياللي من عطاياك مشكور ..
ليه الخيانه بين ذاته وذاتي ..

كانت بعيني ,, حلم ,, واشجار ,,عصفور ..
واليوم دمعي فوق خدي يباتي ..

الحلم اشوفه اخر العمر منثور ..
واللي ذخرته راح دون امنياتي ..

ياليت حظي كان دوله ودستور ..
واشكيه حالي عند قاضي حياتي ..

انا قضية عام الفين ,, {.. مغدور ..
والوقت ينثر لين صرنا شتاتي ..

حظي وشفته كان قاتل ومأجور ..
واذكي قتيله بين تأتي وتأتي ..

غسل غرامه واخلطه مسك كافور ..
دام الليالي مابها من نجاتي ..

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر