مبروك عرســك ..!!

كانت عيوني تتنظر يوم لقياك ..
لكن حسافه كيف رحتي وغبتي ..

لو كنت ادري اخر الحب فرقاك ..
ماكنت برضا يوم عني انسحبتي ..

ياكيف ترحل عن حبيبك يامقساك ..
وانتي خفوقي من ضلوعي نهبتي ..

اهواك ميت في غرامك انا فداك ..
وكل العذاري من عيوني شطبتي ..

واليوم دبله واضحه وسط يمناك ..
في شهر تسعه عرسكم وانخطبتي ..

وان قلت راضي كم يومن وبنساك ..؟؟
خاسر تراني لو غيري كسبتي ..!!

ضامي وصالك يوم غيري شرب ماك ..
شايب فراقك وانتى بالمثل شبتي ..

ودرب المفارق يحتوي ضيق واشواك ..
وشلون وانتي حالتي ماحسبتي ..

رحتي دروبك في متاهات دنياك ..
وانا وقلبي كيف عنهم سحبتي ..

مابي فراقك ولا اريد وياك ..
مادام غيري من غرامك وهبتي ..

مبروك عرسك وانا بجمع هداياك ..
مالي بحاجه ذكري بالامس جبتي ..