ماهو بـ ذيبن وانتي مانتي بـ ذيبه ..!! - خالد النبهان الشمري

لا صرت بايع شخص حبك ويغليك
عادي ولاهي من جنابك غريبه

وادري صديقي بالمحبه يخاويك
ماهو ب ذيبن وانتي مانتي ب ذيبه

حتي كلامك كان واجمل حكاويك
( أنته حبيبي لو تفارق مصيبه )

وماكان غيري في يدينه يداويك
ياطيب قلبي وألوفا كان عيبه

والحين يالله شفني راحل ب خليك
عمر المحبه ماتجييبك غصيبه

مادام قربه في حياتك يسليك
انا حياتي دون حبك رهيبه

قلت المفارق وانا جيتك ب لبيك
والكل ياخذ من حياته نصيبه

© 2022 - موقع الشعر