صداع حبك مايفيده بندول ..!! - خالد النبهان الشمري

اليوم ثالث مايجي منك مرسول ..
يالله عساها كم ظرفن وتأتي ..

لانه صراحه اكثر الفكر مشغول ..
وشلون وانته في حياتي حياتي ..

بقول حاجه من غيابك ومذهول ..
وانا عزيزن ماتزعزع ثباتي ..

عطني حلولك فيه راضي ومقبول ..
ودي ألملم مابقي من شتاتي ..

الهجر ماهو من صفاتك ومعقول ..
وانا اشوفك مابقي بأمنياتي ..

صداع حبك مايفيده بندول ..
وانا عشانك جيت بكتب وصاتي ..

بقول عنك قبل ماتقول وتقول ..
وانته بعيني كل عمري غناتي ..

ان جاك يومن شفتني فيه مشلول ..
تكفي طلبتك لا تفكر تحاتي ..

جلطة غيابك جابت اليوم مفعول ..
واليوم شفني هذي والله سواتي ..

اكتب مشاعر في جنابك علي طول ..
ياحب خالد في خفوقي يباتي ..

حبن حقيقي بالحنايا ومكفول ..
يالي غرامك ساكنن وسط ذاتي ..

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر