ياصاحبي قلبي جروحه عطيبه
وانت السبب ياقاتل القلب بسكات
حبّك عذاب وترك حبّك مصيبه
يعني على الوضعين ما من سلامات
أمّا تحَفظ القلب والاّ تجيبه
والاّ يقال فلان من صاحبه مات
أخاف تخلفك الليال الرهيبه
مابه على سود الليالي ضمانات
بلاش اعاني معك وادفع ضريبه
يكفي جروح وغربله وامتحانات
الظلم ظلما والقيامه قريبه
والله على الظالم شديد العقوبات
كان انت سامعبي نميمه وغيبه
أهل النمايم هرجهم ماله اثبات
أهل المعاصي والوجيه الكئيبه
بين الحبايب ينشرون الاشاعات
كم فرّقوا بين الحبيب وحبيبه
وكم سدّدوا لقلوب الاخيار طعنات
وياصاحبي منك القطاعه غريبه
وين العهود اللي من اوّل وثيقات
ماكان عندي فيك شكه وريبه
حتى بدالي من تعاملك شكات
وان كان باقي في مشاعرك طيبه
هذي مشاعر واعتبرها انتقادات
انته جرحت القلب وانته طبيبه
وانت الذي أعطيت ماقلت لك هات
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.