وجه الحياه

‏وجه الحياه اللي ماغير يتبسّم
نصيحةٍ من قلب لاتنخدع به

يضحك ولكنّه مجرد مجسّم
القول والتنفيذ مايجتمع به

واحيان في وسط العسل يخفي السم
مايامن السقطات من يرتفع به

متناقضٍ عنه الصحيح يتقسّم
اللعب عنده جد والجد لعبه

لصرت بوجيه الاماني توسّم
لاتعتبر صعبات الاحداث صعبه

لو التعب على عيونك ترسّم
ركّز على دربك ولاتندفع به

كم واحدٍ راسه من الهم نسّم
باسباب طيشه وانكساره ورعبه