حصن التفاهم

لـ ، ، في الحكمه والنصح، آخر تحديث :

‏الحاجه اللي توزن بألف حاجه
يبطي قصير المعرفه ماعرفها
مع العداله تستقيم العواجه
والصلح صعبات الضروف ايعسفها
الشافعي والترمذي وابن ماجه
ذادوا عن الامه وصاروا سلفها
لو كل واحد صار يتبع مزاجه
عجزت رموش العين تلمس طرفها
ولو كان مشكلة الطريق ازدواجه
كان الحوادث مابه احدٍ وصفها
ولو كل ماشي قام يطرد عجاجه
كان الضماير ماتحقق هدفها
دام اختلاف الراي ماهو سماجه
خل الامور تسير لاتختطفها
وان صارت قلوب العرب تقل صاجه
خساير العمله على من صرفها
أبعد عن الدرب الشقي وانتهاجه
ترا عناد النفس يلعن جدفها
قدام مخك لايزود ارتجاجه
صداقةٍ ماهي على العز عفها
طبعاً هوى نفسك سريع احتجاجه
وده قوانين الصواب ايحذفها
اليا تحديته كسبت المواجه
وان ماتحديته حدودك قصفها
بحر الجزاله دايج الفكر داجه
لين الحكم من تحت موجه غرفها
لاصار عذب القول يطرد هماجه
لاتشكي العوجا على من عكفها
حصن التفاهم ضد كسر الزجاجه
ياللي تدوّر حكمة اليوم شفها

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • لتواصل مع ادارة موقع الشعر إضغط هنا.
© 2019 - موقع الشعر - بواسطة شركة المبرمجين