حنا طنايا كان فيها حميات ..!! - خالد النبهان الشمري

الصوت أمانه وانت راعي أمانات ..
والكل يعرف كيف صوته أمانه ..

لجل التطور في جميع المجالات ..
ونرقي بشعبن بالثريا مكانه ..

نختار ناسن كفو ماهي شعارات ..
لأمن تمكن خان ربعه نسانه ..

نبغي رجالن واضحه بالقناعات ..
فكرن يجمل شأن ربعه وشانه ..

وأبسط مثالن للعطا والمروات ..
خالد وخالد حي زولن لفانه ..

بكتب مشاعر خاطري عذب الابيات ..
واقول قافي قدم كل العيانه..

الطيب باقي ياعرب حي مأمات ..
وخالد فعوله شاهده عن لسانه ..

أشياء كثيره مأتبي علم واثبات ..
هذي حقيقه واضحه مع ضمانه ..

تكفون ربعي مانبي غير الأصوات ..
ولا الردئ دوم نفسه جبانه ..

مادام شمر زكته بالمهمات ..
والفوز والله كان ربعي معانه ..

حنا طنايا كان فيها حميات ..
نموت خيرن من حياة المهانه ..

وتاريخ شمر فايزن كل جولات ..
وبالطيب نجزي كل منهو عطانه ..

وشمر تراهي عز في كل الأوقات ..
تاريخ يشهد حاضره عن زمانه ..

والطيب باقي ياعرب حي مأمات ..
وخالد فعوله شاهده عن لسانه ..

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر