مبروك ترقيتك على رتبة لواء

لـ محمد البياضي، ، في غير مصنف، آخر تحديث

مبروك ترقيتك على رتبة لواء - محمد البياضي

هبت شماليه وذعذع ياابوسلمان الهوى
ساقت لي البشرى وبشرى يامحمد غاليه
بشرى بترقيتك وترفيعك على رتبة (لواء)
تستاهل الترفيع يامن لك مكانه عاليه
في قلب من يعرِفك والليّ بك سمع قدرك سوى
مكانتك من فعل ماهي من سوالف باليه
لقلوب من عزك وصلت بطيب وبفعل ٍ حوى
درب المراجل كلها وايضا العلوم التاليه
ناصيك يسعد بك ولو ذيبه على المرقب عوى
تفزع معه في موقعك والا بالارض الخاليه
بلسم على جرح الصويب الليّ من الهم انكوى
يآصلك مهموم ٍ ويمشي منك نفسه ساليه
فيك الشهامه والكرم من وجه عنهن ماالتوى
لك وقفه تحول بها طعم المراره حاليه
وياكثر مابك من خصال ٍطيبه وقلبي نوى
يعدها ميرالكثر قطع عليّ الارساليه
وآقول لك مبروك ترقيتك على رتبة( لواء)
تستاهل الترفيع يامن لك مكانه عاليه

مناسبة القصيدة

تهنئه بمناسبة ترقية الاخ العميد/ محمد بن سلمان الفريعي الى رتبة لواء .
© 2022 - موقع الشعر