مبروك تم نقلكـ - رائد العالي

ياللي كتب لك ربي النقل مبروك
يالله عساها فرحةٍ مستمره

كأن مال الكون بيديك مملوك
يوم البشاير جت بعلم المسره

ماعاد تدري هم عن الكون شالوك
ولا انت شلت الكون بحره وبره

حمل الهموم انزاح والياس متروك
وعانقت باحلامك حدود المجره

عقب التعب ومعاند اللي تحدوك
واللي يبي قيمتك مثقال ذره

قسمه من المولى لو الناس ردوك
أمر الكريم يرد كل المضره

واصل مسيرك واطلب وانا اخوك
والله يرد اللي بعيد لمقره

درب الصعايب للرياجيل مسلوك
وذي حالة الايام حلوه ومره

يالله ياللي ساير الخلق ترجوك
تفرّح اللي يرقب اللي يسره

ياللي نقلت نقول لك ألف مبروك
ونعيدها ونزيدها ألف مره

يالله عسى نقلك فرح دوم يتلوك
ويعطيك من خيره ويكفيك شره

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2022 - موقع الشعر