لي ديرةٍ تسوى لها الفين ديره - محمد بن دغيـّم السميري

محمد بن دغيّم السميري العتيبي
لي ديرةٍ تسوى لها الفين ديره

في خاطري للفين ديره تساوي
قلبي عليها أدناة حاجه تثيره

أنا أشهد أن قلبي عليها شفاوي
دارٍ وأهلها أهل فعولٍ شهيره

حقايقٍ ماهي مجرّد سناوي
أفعالهم جزله ولاهي حقيره

لطّامة العايل إكعام الفداوي
دارٍ لنا يوم الحياه الخطيره

حامينها من مبعدين الهقاوي
ماجاتنا إلا بألسيوف الشطيره

ماجاتنا من عند أهلها هداوي
وقتٍ مضى ممشاي فيها بريره

أدله بها لو أني أمسي خلاوي
أمشي بها وانا عيوني قريره

سعيد لو أبيت ضميان طاوي
واليوم جا فيها تغيّر وغيره

جات الفتن فيها وجات الدعاوي
اليوم كلٍ دق للحرب زيره

وقت السلام أقفى وجا الحرب ضاوي
الظاهر أن الناس جاهم حشيره

مثل النهار اللي ذكره العطاوي
الشّر جا بين القطير وقطيره

أقول ياكاف البلا والبلاوي
قام الولد لبوه ينبي زبيره

وتولّو الدعوى صغار الضناوي
سيرة سلفنا بدّلوها بسيره

وكبارهم طاعوا صغار النشاوي
اليا قام رجالٍ يشرف مسيره

تعرّضه تسعه وتسعين غاوي
أسباب حقدٍ في النفوس الشريره

حقد وحسد ماله طبيبٍ مداوي
أغاروا اللي في الشرك والحضيره

تسمع ضجيج أصواتهم والعزاوي
جايٍ لهم عند الحكومه صعيره

صجّوا حكومتهم بكثر النخاوي
من بينهم جا للشكاوي سعيره

توحي لهم في كل مكتب تعاوي
ياسايق الفنجال عدّه وديره

عدّه على اللي والمٍ للشكاوي
وأثنه على زومان شاكي قصيره

اللي لبس للحرب بشتٍ حساوي
وأثنه على راع الجواد المغيره

على ابن عمّه في الزمان الرخاوي
اللي اليا هالحين ماشيف خيره

والخير ماله عند وجهه حراوي
مدري توالي وضعنا وش مصيره

هي تنقصر والا تطول الاهاوي
وانا ما ألوم الا كبار العشيره

ألومهم في تبعهم كل واوي
ولي ديرةٍ مامثلها بألجزيره

لو أن أهلها يتركون الشكاوي
© 2024 - موقع الشعر