البارحه سهران مقلق و حيران - محمد بن دغيـّم السميري

محمد بن دغيّم السميري العتيبي
البارحه سهران مقلق و حيران

عذبني اللي جايز ٍ لي عذابه
ارعى نجوم الليل و أقنب من الويل

قنيب ذيب فيه هم سطا به
تلعب بي الأشواق و العب بالأوراق

عيت يديني لا تمل الكتابه
سرى علي الشوق و أنا ولد روق

اخيل نوٍ قام يبرق سحابه
ضميان أنا بالحيل لو أشرب النيل

ما أطفى ظمايه لو حصلي شرابه
غربه و هم و غم و ياكم و ياكم

خفيت حبك لين كل درابه
يمعذب الاحباب ما ني بكذاب

و الكاذب الله لا يطول شبابه
الصبر عقبك باح و الدمع فواح

نهبت قلبي من فوادي نهابه
قلبي مع المحبوب من عصر منهوب

سرى بقلبي من محله سرابه
خلي علي يمون يحكم بقانون

ما هوب حكم مثل حكم العصابه
يفدونك الغالين و القلب و العين

ما راح عندك ما حسبنا حسابه
يا مهلك العشاق يا مدمج الساق

اللي يشوفك شوف خطر صوابه
رمشك يجي مقيال عشرين رجال

عز الله أن اللي خلقه إعتنا به
و الخشم سلة سيف ماله تواصيف

اكود سيف ٍ مظهرا ً من قرابه
و صوتك يداو الروح ما هوب مبحوح

لو حيت صوتك مثل صوت الربابه
بدويه الجدين ما تسكن الطين

من دونها فج ٍ تعاوى ذيابه
ما سيرت في السوق و الثوب مشقوق

و لا خالطت جيلٍ يقطع ثيابه
ملبوسها بلبول ما هوب مريول

خيط الملابس قلبها ما شقا به
ما تنشد الخياط و شي خاط ما خاط

و لا فيه يوم ٍ و قفت عند بابه
طعامها غبوق من غالي النوق

و الرأس بالسمن الطبيعي خضابه
ما تاكل الدجاج و تحط مكياج

و لا غير الشاهي تلاعج عذابه
و لا تاكل البسكوت و الببسي الموت

الببس الا قشر ما تعرف لشرابه
و لا شالت الأقلام معها بالأكوام

تضحك من اللي يعرفن الكتابه
و لا حطت الحمره ليا جات سمره

الحمره اللي كلبوها خيابه
ما لبسوها كعب تمشي على درب

نساء الرسول المصطفى و الصحابه
و لا تقص الراس مثل بعض الناس

اللي ليا لزموه قصو جنابه
اللي تدبر فيه و تقول اسويه

و هيه دبرها فيه سبة عيابه
والوجه لونه لون يلمع و مدهون

بمكياجها اللي حضها الشين جابه
تلمعه بطحين من فاله الشين

مخرب ٍ ما عاد يصلح خرابه
و أنا وليفي غير يا قسمة الخير

الله يردي حض عود ٍ عصابه
عساه لسلال مذموم الأفعال

اللي عطاه يخربه بنقلا به
ودي بها يحمود والعود مقرود

عيا عليها لا سقى الله جنابه
عيا عليها العود عساه لدود

اللي على قيد الحياه يعثابه
و عساه لطاعون حتى يقولون

مات الله أنه لا يخفف عذابه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلى نادراً.
  • للتواصل مع ادارة موقع الشعر إضغط هنا.
© 2020 - موقع الشعر