البارحه يوم المخاليق غافين - محمد بن دغيـّم السميري

محمد بن دغيّم السميري العتيبي
قصيدة للشاعر / غانم سعيد الذيابي

عديت مشراف يبذ المعدين
يبذ من عدا علي حيد جاله

حيدا بروسة ماكرا للشياهين
والذيب الأسحم يلتجيبة لحاله

عديت راس الرجم والناس سالين
غانم من صدوف الدهر ضاق باله

تقول في قلب الذيابي طواعين
ويا ويل من كثر الطواعين فاله

القلب لحمة والمعالق شرايين
لاتحتمل طعنة ولا حرب ازاله

مير اشتكي لله ثم للموامين
الاد سامر محتمين الشكاله

ربعن ليا جات المواقف سلاطين
طيب الولد منهم علي طيب خاله

فالسلم ريف وفي المواقع غثيثين
عقال طيب وفي المو اجب كماله

قم يا نديبي وصل رسالتي زين
علي الذي يطربك حس اشتغاله

جيبن جديد مودرن عام الالفين
النوع شاص موردن للوكاله

تقول في جنبه تلاوا الثعابين
لمعة شطرطونة تقول اشتعاله

يقطع طويل الدرب من غير تمرين
ممرن في طوكيو مايباله

وليا نهمته ما يقول السهل وين
درب العسر عنده يشوفه سهاله

نصه لمنهو يعطي العلم تثمين
قرمن على الطولات مطول حباله

رجلاً كريم ومن رجالا كريمين
الهيل دايم يزعجه في دلاله

يفرح ليا جوه الرياجيل لافين
يذبح سمان الحيل نقوة حلاله

ليا وصلت لمنزله يحمر العين
عطه الرساله واعتبرها جماله

رسالة مضمونها في العناوين
ويعرف ترى العنوان لب الرساله

عارف ولا يجهل وسيد الفهيمين
عراف لا يجهل ولابه جهاله

يابن دغيم وش معي منك هالحين
وياعنك غانم صار يرثى لحاله

خلي خذوه البدو واقفو مقفين
ويابو عمر خلي صعيب المناله

العام اناوياه يوم المقاطين
نارد على عدن تعاقب محاله

ليا زهمته قال لي سم واهلين
سبحان من سواه جلا جلاله

العين سوداء والشفايا تقل تين
والخد الابيض فالعنا ينعناله

لا شك تبغاني وهلها معيين
مجبور والمجبور لاحيلتاله

وادري هذا سلم الهوى والمحبين
عقب التجمع شدتن وارتحاله

يابن دغيم يا زبون المخلين
تري القضيه ما تحمل اطاله

افزع تراهم حول هكران ممسين
غرب منه وان كان شدوا شماله

واحذر ترى دونه رجالن قويين
دونه بني عمه ودونه خواله

افزع وعرق من فزع لك بسبعين
من البكار معبسات الشماله

سود البكار وغاليات الا ثامين
من دنها الرجال يرخص عياله

ورث الجدود ولا تعرض لشارين
ربحان من ورثه طلع راس ماله

وانهيت قولي يا الرجال الفهيمين
غانم يقول وقال وانهي مقاله

محمد بن دغيّم السميري العتيبي
البارحه يوم المخاليق غافين

جاني من بنوك الهواجس حواله
هواجس منها غدى اليل ليلين

ياطول ليل اللي يهوجس لحاله
مالي ونيس الا الدلال المزايين

فيهن من البن اليماني زلاله
اسري مع الهاجوس مسرى السراحين

واصايد المعنى بعرف وحياله
واغوص في بحرا يبذ المناحين

بحر القصيد الي يروع اجتواله
وانقى على بيتين بيتين بيتين

اترك هزيل القول واخذ جزاله
حشمه لمن قدره على الراس والعين

قدره علينا مثل قدر الطواله
غانم على اسمه والاسامي براهين

اثر الاسامي للفعايل دلاله
قاضي ولد قاضي وراعي قوانين

إميز ميل الزمان وعداله
من لابة على الشكالات ضارين

شرابه الفنجال خل البياله
الاد ذائب في الصعوبات راسين

كسابة للجود في كل حاله
هشين في وجيه الطراقي وبشين

أهل الكرم والجود في كل قاله
قريبين من المكارم بعيدين

عن الردى والطيب قمة رجاله
غانم تعنالي ويشكي من البين

واظن غوال المحبين غاله
محبوبته عيو عليها المسمين

وان ما فزعنا معه واعزتاله
عيوبها الي في المواقيف صلفين

ما يطلقون حبالها بالكفاله
والله ما الومه لو غدى قلبه طحين

وانا جرالي في الهوى ماجراله
وبك الهوى يشوي كبود البعارين

والآدمي يامى ويامى غداله
عينت ابو زيد الهلالي غدى وين

عشيق عليا في علاوي تباله
وابن الملوح كلكم عنه دارين

اللي سمع دعواه واللي قراله
قضى عليه الولف من فاله الشين

يوم ان ليلى بعدت عن وصاله
ياغانم القاضي صعوط المجانين

ابشر بمن يفزع بماله وحاله
لكن انا طالبك مهله نهارين

لين استعد لما ورد في الرساله
انا وربعي دون لازمك صفين

وان مات روقي جاك روقي بداله
جندت لك يالقرم مئه وتسعين

كل تسلم بندقه مع بداله
قوم على خوض الحرايب مضرين

وان دخن البارود داسوا ظلاله
وانا اتكلم باسم ربعي هل الدين

وعني ليا رد البرى بالاصاله
يالقرم أبا افزع معك بالربع الادنين

وابا ابذل المجهود دون الكحاله
ان جاتنا بالجاه زين على زين

والا دفعنا في طلبها المواله
وان كان قالوا عقب ماقلت عاصين

جاهم نهار مستمر وباله
صبحتهم صباح بعيار خمسين

ليا عصى العاصي حلال قتاله
لعيون غانم وقعة مثل حطين

يوم يخل الطفل عود هلاله
والله لخليهم سواة ام ضرفين

خل النذاله تنفع اهل النذاله
افعل بهم فعل اليهود بفلسطين

وابيدهم ما خلى الا الغزاله
عويدهم ورجالهم والوراعين

احتهم حتة غصون السياله
واليا قضو جينا لغانم مهنين

وجبنا له اللي غيرها ماطراله
جبنا له اللي عزرت به من سنين

اللي غلاها دون غيره صفاله
معززه ومحشمه للحشيمين

فزعة سماري رفيقه شكاله
عيش متهني وانس همك وبعدين

لا تستهم من الزمان ونكاله
مدام حنا يافتى الجود حيين

هداج كنك قاطن فوق جاله
ما يترك الماجوب غير الرديين

واللي يبا المعروف يلقى مجاله
وانا اعتبر ماقمت به فرض تعيين

وانت اعتبرها فرض والاجماله

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر