دعيتني يا امير واجبت دعواك
وشرواك واجب طاعته يادعاني
حيثك عزيز ٍ عندنا لاعدمناك
من الجوف جيتك يوم خطك لفاني
انت اللذي تتعب على الطيب يمناك
يامقلط ٍحيل الغنم بالصياني
نلت الفخر والطيب ياعز من جاك
ياشيخ والله مامشيت بطماني
يابن خليفه دايم المدح يزهاك
حيثك تعلى لين سهيل اليماني
المرجله من ساس نهجك ومرباك
حويت كل المرجله بالمعاني
الطيب والمعروف موهبك مولاك
الله يديمك ياجميل الحساني
والطيب سندا والمراجل به اشواك
مايحصل الطولات رجل ٍ هداني
يابو حمد ياجعلنا دوم نلقاك
عسانا دوم نحصلك بالمكاني
الله يديمك دوم ويشتت اعداك
عساك تحشم من اصدوف الزماني
طير السعد ياشيخ مثلك وشرواك
والمعذره من كل شي يخفاني
عساك تحشم يابو حمد بدنياك
واقبل تحيه ياعطيب اليماني
وصلاة ربي عد ماهل الاسماك
على النبي اعداد صوم رومضاني
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.