هي هتون الغيم ؟!!

ياحلم لدّ بوجهك اليوم مابيك
مات الطموح ومات قبله حناني

لاتلتفت مابي بقايا لطاريك
لا اقفيت كلك لاتعوّد ../ عشاني

يالطيبه اللي عرقلتني خطاويك
خفّي علي شوي يكفي زماني

كنّي أنا السبّه ليا اخطت مباديك
أدفع ثمنها من عزيز الأماني

يالدمعه اللي عاقبتني حراويك
لاتخنقيني فوق زلة لساني

تكفيني همومي وغصّة عباريك
لاجيت أبحكي سابقتني لساني

يانوووم قلّي وش سبايب تغلّيك
عيني تبلّاها السهر وابتلاني

يايمه وينك بنتك اليوم تبغيك
ماعاد تكفيها جزال المعاني

ضميني ياامي حيل ../ لفّي أياديك
مابين حلمي .. وبين قسوة زماني