ياللي تضيق ان حجروها للاجواد
من يرجي الاجناب يابنت،،غادي
ماعا به (تحجير) يابنت .. ماعاد
أدري .. لو انه مايعَجبك مرادي
راحت مراسيمه مع تراب الاجداد
لكنّ باقي بلسمه في فؤادي
واللي يبي قربي /عن البيت نشّاد
لا لا تدلينه علي .. ياهنادي
قلبي (مطيري) واصدق الحب لازاد
أقوى من اقوى راسيات المبادي
ماهو قصورٍ بالقبايل .. والامجاد
ولاهو بنكرانٍ لبيض الأيادي
آنا انتمائي بالمعاليق وقّاد
ماينطفي لاهبّ سلم الجدادي
كل المشاعر لاحمر العين تنقاد
مدري حميّة قلب .. والا (عنادي ) !!
بس الوكاد : اللي عن البيت نشّاد
لا لا تدلينه علي ياهنادي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.