أنا : " مره "

لـ هتون الغيم، ، في غير مُحدد، آخر تحديث

أنا : " مره " - هتون الغيم

يامحترم .. يااصدق من الشمس والنور
ياواضح أوضح من خيالي في بالك

يالطاهر اللي ماعلى ظنّك قصور
رتّب ثقافاتك على مابدا لك

قصدك تقول ان الثقه خير دستور ؟!
ظنّك أبوثق في جدار مْتهالك !

مسكين " يارجال " لخبطت ب الدور
لاتمشي لوحدك .. تحرى " رجالك "

لولا النساء ماعِمِّر بيوت وقصور
لولا النساء كان انت باقي ل حالك

ولولا الثقه عايش حياتك ورا سور
من مرّ جنبك يحترم سوء حالك

لاقادرٍ تعزم / ولاقادر تزور
ولا لاقي الحلّ لنهاية سؤالك

مثلك مثل من يشهد الكذب والزور
تنهى .. ولكن النهي ماطرا لك !

آشوف دمك لامن اقفيت بيفور !
وانا " مره " ماني " ثمر " في سْلالك !

يوم الثقه ف البنت عيبٍ ومحظور
وش فيك تلحِقْني غلاك .. ودلالك ؟!

تبي الصراحه دون مالفّ وآدور ؟!
غيرك وثق فيني وانا مو حلالك !

© 2024 - موقع الشعر