مريض ( فيني )

خليت لك ( كل الأماكن ) وقفّيت
تقدر تعدّا بالقدم باب دارك

ساعة لمحت اسمي قبالك .. وصديت
كنت (اشتغل) ماكنت انا بانتظارك !

ماكنت اعرف بجيّتك يوم لي جيت
لكن مكاني لين رحت يتبارك

صدّة شموخ وكبريا .. بس ياليت
قِدْرَت تداري علّتك .. وانكسارك

عندي سؤال وجاوبه (لوّ حبيت ) :
تقدر تعوّض في يمينك .. يسارك ؟

ماطاب جرحك .. لونِكرت وتعاليت
مافيك قوّه تدفعك .. لانتصارك !

(مريض فيني ) لوسعيت وتداويت
أنا .. وفكرك .. والخفوق انتشارك !

مافيك تنساني لو انك تناسيت
ومافيني اذكر / وردتك / واعتذارك !

مريت قدامي .. وقفت .. وتعدّيت
صحيح (قاسي) بس يبقى قرارك !

ومرّ الزمن .. بعدك .. على ماتمنيت
كنّ السعاده جاتني باختيارك !!