دلوعة الغيم

أصدق من النور والبرهان نيّاتي
واطهر من الثلج قلبٍ ضمته روحي

لاتتهمني وانا ما اسأل عن الآتي
أعطيك من خاطري مايقسمه بوحي

تجرحني الكلمه اللي تختصر ذاتي !
من دون حتى سؤال او قول:مسموحي

قبلك وبعدك || كبيييره يامحطاتي
مروني (اصحاب) واقفوا (سبة جروحي)

ماعدت انا ارجيك ياسبّة معاناتي
لالاتصدق وروح ان كنت لي توحي

احتجتك اكثر من امي .. من كتاباتي
ورديت لي حاجتي في جرح مفضوحي

حيث انها حاجتي لاجتاحت ابياتي
عدّيتها .. مامسحت بجيّتك لوحي !

( دلوعة الغيم) : هو عنوان مأساتي
سحابتن من مطرها الضيق مشروحي

تمطر وفاها حنين ويزهر سكاتي
ويفزّ غصنٍ شذا ورداته يفوحي

قل لي وش اللي يشدك في حكاياتي ؟
وانا غموضي يفسر جانب وضوحي !

في صدقي اللي تجاهلته ..في آهاتي
في طهري اللي تسامت فوقه صروحي !

قل لي بحق الغلا واجمع لي اشتاتي
قل لي ويهدى ضميرٍ زعزعه نوحي

يومك غزيت الفؤاد اطفيت مشكاتي ؟
ماعاد ف القلب بعدك باب مفتوحي !!