سلمان انا بنشدك ياعم سلمان
عن بلدة الغوطه وكل الضواحي
و قصيريه والعبد و سهلة سعيدان
يوم الوسم شح السنه بالسحاحي
ماربعت ريضانها كود ما كان
ولا اذكروا بسهولها الروض لاحي
ابطيت عن حايل عسى الغيم هتان
اطرد ورى حلم بعيد المشاحي
لو مسكنك جمب البحر وسط بستان
وتشوف طول ابراجها والفلاحي
مامثل حايل يا ابيض الوجه مسكان
اليا طروا جبالها والطلاحي
و لاسكّرت بمزونها والغمم بان
جابت مرازيم السحاب الرياحي
دقيت سلف الجيب والجيب نيسان
ياما على ظهره تدوج المساحي
سجيتها والله عليه التطمان
اما على نفدانها والبراحي
عبرت عن شوقي غدى الصدر قزان
رد من ابياتك يزيد انشراحي
حيثك على الخوه كما طير حوران
قصايدك مثل الزلال القراحي
زياد السعدي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.