نبي نصوغ الشعر صوغ به الغلم
وابيات يطرب سمعها بالقصايد
مادام بك عقل وعرف وبك علم
وش يمنع انّك ماتجيب الفرايد
اقطع من الدفتر وريقه لها قلم
اكتب بها افكارك من اقصى البنايد
نبي نوضح للبلايم عن البلم
اللي لها قلوب توسد وسايد
ترى الحقيقه ماهي تشابه الحلم
اصحوا وصحوا من غفل بالفوايد
من سبّق لبكرى وبكرى لها ولم
يامن من الصكات قبل النكايد
من خالف العادات للي لهم سلم
مخطي لو انه صح يبغى الجدايد
القوم لاقفوا ترى مشيهم هلم
مايرجع ارحاهم عسير البدايد
لاتلحق المقفي ليا اقفى بلا كَلم
اليا لحقته ترك تبعد بعايد
والفلم لولا مخرجه ماهو بفلم
لايخدعك من مثلوا به بلايد
والقربه اليا صار في جلدها ثلم
ماتنرقع لا لصقت بالجرايد
اما تخيط الثلم لا يكبر الصلم
ولا سكوتك عن كلامك سدايد
نفسك هي اللي بالملامه لها تلم
احذر تلوم الناس ماهم وكايد
زياد السعدي
إضافة تعليق - (( user.name )) - خروج
ادارة موقع الشعر (( comment.message.user.name )) (( comment.message.user.name ))
(( comment.message.text ))
لا يوجد تعليقات.