ماهان حبك ياغرامي ولاهنت - ناصر عبيد الرشيدي

كلك على بعضك بصدري تكونت
في داخلي رغم الهجر والبعادي

ماهان حبك ياغرامي ولاهنت
في غيبتك حافظ جميع المبادي

رغم العذاب وقسوة الجرح ما لنت
مع إنك اللي بالجفا كنت بادي

لكن حفظت عهود حبك ولاخنت
ماحدني عن عشرتك أي حادي

وفيت لك وأكبر دليل إني لك صنت
في رجعتك مديت كل الأيادي

هذا أنت جيت الحين وبلسانك أعلنت
إنك بدوني كنت ضايع وغادي

قد قلتها لك يوم للوصل هونت
أموت ماتكسر حبيبي عنادي

شف كيف كنت أنت وكيف أنا كنت
أنا بوداي وأنت عني بوادي

واليوم أنا وين أنا ولا أنت وين أنت
أنا بمكاني جيت تطلب ودادي

تبي تعرف إني أبد ماتهاونت
لا زال حبك في صميم الفؤادي

© 2024 - موقع الشعر