صوت لك ليتك سمعت الصوت - ناصر عبيد الرشيدي

صوت لك ليتك سمعت الصوت
اللي ينادي ليه ما اوحيته

جاوبني قبل إنه يفوت الفوت
ماغيرك أحدٍ صحت ناديته

أحس في صدري صدى مكبوت
كنت أحبسه واليوم هديته

عجزت أرده والعمر موقوت
ياما وياما عنّك أخفيته

دامك نسته وانقطع مبهوت
راعيه ليتك ماتناسيته

وصيتك تشوت العواذل شوت
ونفس الوصاه القلب وصيته

كان العهد عقدٍ من الياقوت
والعقد وينه ..وين .. وديته ؟؟

عندي بقالك بس ثلاث ابيوت
من شعري اللي فيك سويته

غلاك فيني بالصدر منحوت
وفرقاك والله ماتمنيته

يلوتني هجرك وبعدك لوت
ليه اللي حبك ليه خليته..؟؟

تدري ش/قهرني وجاب ليّ الموت
وفيت بعهدك .. وأنت ما أوفيته

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
  • إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
  • للتواصل مع ادارة موقع الشعر إضغط هنا.
© 2021 - موقع الشعر