ترى العمر غالي - ناصر عبيد الرشيدي

يا اغلا البشر ليه ماتنشد عن احوالي
وتشوف عقب المغيبه شصار في حالي

لوتدري بعدك وش اللي صايرٍ فيّه
ما والله تغيب لحظه يا هوى بالي

بعدك وانا حالتي يقطعها من حاله
مفارقٍ بسمتي ولاهي بغربالي

لو اشرح اوضاعي والله ماتصدقها
اسهر انا وضيقتي وآجر موالي

تعبت من كثر مازارتني اوجاعي
وكثر ما اتخيل انك واقف قبالي

ياصاحبي كيف رحت وليه علمني ؟
وشلون ترضى الفرح بوجيه عذالي

الله يذكر زمانٍ فات يوم إنك
يوميا تدق ورقمك وسط جوالي

واليوم كل السجل يشكي من اهمالك
لا رقم ولا حتى يوصل منك مرسالي

مدري شسوي ؟ بعد ما أنتهى صبري
مشتاقلك وانت ماحنيت لوصالي

اخاف لاطال هجرك ينهدم قصرك
وتمحاه ريح السنين ويصبح اطلالي

الله يرحم جنابك ارجع بسرعه
الحق على صاحبك ترى العمر غالي

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر