لاصرت غالي - خالد سعد الحربي

لا صرت غالي لا تغلى وانا اخوك
سيب التغلي عنك لا صرت غالي
 
روحي وقلبي يوم قفيَّت نادوك
يابعد من يشغل ليا غاب بالي
 
فكر ومرة نادهم كان لبَّوك
والا عليهم صيح وبصوت عالي
 
انا الوحيد اللي مشالك على الشوك
وان صحت جيتك مندفع لو لحالي
 
ياصاح تكفى لا تعذرب على اخوك
جتني الهموم وكل همن طرالي
 
جتني الهموم وداخلي قلب مصكوك
مصكوك صكة بس ياويل حالي
 
هذا خويك داخله هم مركوك
يخفيه عنَّك وانت مسرور خالي
© 2024 - موقع الشعر