أحلى شفاتين - خالد سعد الحربي

والله بخيالي ضحكتك واضحة زين
يابنت والله الزين ماهو بخافي
 
ضحكت ثغر والا ابتسامة شفاتين
احلى ملامح شخص لاصرت غافي
 
ادري تزعلني وهجرك طواعين
ليه التغلي والزعل والتجافي
 
زارع عنادك مثل زرع البساتين
وانا ودادي لك على طول صافي
 
دايم جنون الحب مسكه رياحين
الا انت زدت وزود بالطيب ظافي
 
لو كنت صحراء حر محدن لك يبين
انا الوحيد اللي ابى امشيك حافي
 
امشيك من اقصاك لاادناك ذالحين
ممشى نمر لامن فريسته شافي
 
ابفترسك بناظري يااكمل الزين
وابا اتعشى فيك والضو طافي
 
ماابغى رموشي تبتعد عنك لو حين
خوفي يصير لي شي منك خرافي
 
خوفي يفز القلب واصير مسكين
شخصن ابليا روح والقلب مافي
 
روحي معك اهديتها قبل عامين
جتك الهدية من حبيبك عوافي
 
والحين قلبي مابه النبض لك لين
تنشد عن المجروووح في علم لافي
 
ادري بشوفك يااريش العين بالعين
ادري الزعل مايرد شخصن يوافي
 
وادري علي تحن حن الشفاتين
هي للتلاقي بالكلام المصافي
 
ناطرك خلك ياحبيبي الى الحين
حتى الحياة اللي بدونك تعافي
© 2024 - موقع الشعر