لاصرت تنشدني - عبدالله القريافي

لاصرت تنشدني عن اخر قصيدي
اجدد قصيدي كل ما حل طاريك

افرح ليمن تلمس ايديك ايدي
واكتب قصيده بس في لمسه ايديك

ماقول حبه جاريٍ في وريدي
حبه جعل قلبي وعقلي مماليك

لاقال احبك .. يا الغلا قلت عيدي
يابخت كل اللي قبالك يحاكيك

واقول في قلبي ياليته يزيدي
ويقول لي حاضر ونفهم معانيك

حبه جعل فكري وعقلي عنيدي
ابيع كل الكون واضل شاريك

دامي خذيتك ؟ وش بقى لي ياسيدي
خلنا نعيش الحب وحلوة لياليك

وانا معك يازين عمري سعيدي
ماقدر علي فراقك ولا اقدر اخليك

ولاصرت تنشدني عن اخر جديدي
اجدد قصيدي كل ما حل طاريك

© 2024 - موقع الشعر