لاصرت حر لاتعددفروقك

لالاتجامل والمجالس تشوقك
يومك تقول اني من عيال الاحرار

لاتقول لي حر(ن) على شان شوقك!
ياحي فالك مير للوقت رادار!

مشكور من قلبي يشمّه خفوقك
ياابن الرجال اللي لهم مزبن الجار

لاتنصح اللي بالقراده يفوقك!
ضاري ومتمرّس على حوف الاخطار

قبلك نصحني .. والنصيحه بذوقك
وقبلك تذكرت المتاهه بالاقفار

عساك ماتنطح نوايب تعوقك
وعساك ماتنطق من الضيم ... ستار

وفا .. وفا .. كل الوفا في عروقك
وان قدّر الله جيت ناصيك خطار

دربي يخالف في حياتي طروقك
وجهة نظر من ضمن وجهات الانظار

ابشر بصاحب ماخطر له يبوقك
الا الرحيل اسمح .. من العام محتار

من سبّتي ادري تزايد حروقك
مهما اقول من التبارير واعذار

اليا سمعت رعودك الحق بروقك
وربك يجيب من الحيا عقب الامطار

لاصرت حر(ن) لاتعدد فروقك
هذا زمانك لاتعرّيه الاسرار

حر(ن) ومحروم(ن) من ابسط حقوقك!
شالفايده لاصرت طير(ن) ولاطار

وان كنت حر(ن) كيف تامن سبوقك؟!
يمكن غريمك ياابن الاحرار صقار!!