عزاه ياقلبي - عبدالله القريافي

عزاه يا قلبٍ رميته علي شان
الناس تدري كيف قلبي رميته

وش لي بقلبٍ ماله اليوم عنوان
شفت البلاوي والمصايب ف بيته

الوقت مايرحم كريمٍ ولا عان
وعزوة الرجال هي طيب صيته

اليا عطا ما قال معطيك يا فلان
واليا بغى ما قال هذا عطيته

المشكله لاصرت رابح وخسران
بنيت شخصٍ من ضميرك بنيته

والمشكله لاصار زينٍ ولا زان
هاذي خساره ليتني ما خذيته

والي ربحته هم والحين ندمان
واقول يا قلبي وش لي نويته

ماهي غريبه تنصدم بعض الأحيان
هاذي هي الدنيا ودربك لقيته

المشكله تبقى علي مر الأزمان
بعت خلق الله ورحت اشتريته

هاذي البلاوي والمصايب من انسان
أشره علي قلبي ليا من طريته

خلاص يا قلبي رميتك علي شان
الناس تدري كيف هاذا نسيته

© 2024 - موقع الشعر