عزاه ياملفى الوجيه النشاما - حمد السعيد

من عقب ماهي مدهل للنشاما
اليوم خلوها تصافق بها الريح

عزاه ياملفى الوجيه النشاما
ماباقي إلا هالعامودين وتطيح

ماني على فلوسي كثير النداما
ندامتي يوم أزعج الصوت وأصيح

على مقر للظفر.. والكراما
وش حيلتي لا من لفوني مفاليح

في غيبتي شنّوا عليها الهداما
الله يسامح من عطاهم تصاريح

عليك مني يالمراجل سلاما
في ديرة ماشجعت هبة الريح

لكن علي من الحلوف الحراما
على "هلا " لو هي ف بيض الصحاصيح

ماننثني تى تقوم القياما
نموت ما والله طفت هبة الريح

بواسطة : الخالديه
© 2024 - موقع الشعر