الحزن هذا قفل ابوابه السود - فواز البليبص البذالي

هذا وانا حر ٍ .. وبيديني قيود
لاوالله إلا .. منسجن في مكاني

لاصحت صيحه .. يقفي الصوت ويعود
ماعدت افرق بين قاصي .. وداني

الحزن هذا .. قفل أبوابه . السود
حاولت لكن .. في ظلامه رماني

يلعنك ..ياحظ ٍ رقد مابه اقعود
اسهرتني واتعبت عين ٍ تعاني

وصوت الخرير اللي .. يهيضبي العود
في طيحته .. تطري علي الثواني

ياقاضي ٍ يحكم ولا عنده اشهود
كيف البري . إيصير بالحكم جاني

حديتني ..أصد عنك ولا اعود
لان العزيز إن صد ماجاك ثاني

إي والله إني أعرف النقص والزود
كل ٍ خذا مني ولحد ٍ عطاني

وشلون أمشي واصبح الدرب . مسدود
كني مريض ٍ والدوا ..ماشفاني

إي والله ان الحبل أقصاه ..مشدود
لما انقطع في لحظة ٍ . وانتهاني

الفارس اللي دونة أسوار وحدود
في وسط ميدان ٍ رماه الزماني

هدو عليه امن الجهات .. أربع ااسود
حطم علية اليأس كل الأماني

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر