هذا الحزن غير

http://sky515sky.googlepages.com/hezen.rm
ماتصدق ذاالحزن والله حنون

أرحم بواجد من طعون البشر
يكفي إنه ماتشكل بألف لون

مثل ناسٍ جابوا بعادل خبر
هالحزن ماهوحزن لولاالشجون

والحزن ماهوحزن لولاالسهر
هالحزن ماهو بشر حتى يخون

إسأل اللّي رافقه طول العمر
الحزن يصنع من الموتى فنون

فلسفة شاعر وحوّلها عبر
يمكن إنه يستلذ بهالطعون

بس يكسبك إحترامك في كبر
الحزن فجرٍ تخفّيه الجفون

كالكتابه فوق صفحات الطهر
الحزن دمعه ولكن.. لاعيون

حزن لكن غيرعلمني الصبر
يكفي إنه عايش فيني مغبون

كم تحمل غطرسة عادل دهر
ماتصدق كان لي هالحزن عون

فيني أحيا كل ماهو من حجر
كم تمنيت الحزن هذا يكون

مثل أبونايف أخو لي ظهر
كل ماضاقت علّي يصرخ تهون

لاتضايق دامني حي الدهر
وقتها ناظرت للي يكتبون

كنت أبسأل عن مواعيد السفر
وإتركوني دون حتّى ينظرون

وإفردوا جنحانهم كبرالبحر
وإتركولي قبل ماهم يرحلون

دمعة ٍمن شفتها شاب الشعر
ماقدرت إني على دموعي أمون

ماتصدق عاجزأبكي من شهر
قلت كم عادل وصل حدالجنون

إن شكى مفضوح وسكوته قهر