الشعر لا دق في راسي فتح باب ٍ كبير - فواز البليبص البذالي

يا قصيدي سوقها بالقاف مادامه ينير
واتبلور في خلاياه المعاني والحكم

مير انا نهجي ترى يبطش على البحر الغزير
مثل جيش ٍ حارب العالم ولا يوم انهزم

تستنير الفكرة اللي في مداها تستنير
واتكون مثل غيمه انتشت بعد العدم

والشعر لا دق في راسي فتح باب ٍ كبير
يرتفع بي لين ما اصعد على قمة هرم

ارتقي للقمة العليا ولو دربي خطير
استهين الشوك في دربي واطى بالقدم

ما ورا شوف السراب ولا ورا عزم الكسير
وش يفيد اللي يبي يكتب ولا بيده قلم

والعلوم اللي وسط قلبي على نحت الهجير
لوها تطلع يشوف اعمى ويسمعها أصم

البقى ياللي تبي تسير الدروب وتستخير
المقدر منكتب ان كان صايب او سلم

واليسير ابرك من اللي تاصلة لوة عسير
ليل يخفي في دجاه وجوه فيها من ظلم

النصير الله ولا بعده ولا قبله نصير
ينصر المظلوم لو يبطي علية العمر كم

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر