الشعر حنا وارثينه وراثه - فواز البليبص البذالي

من صغر سني قلت انا الشعر موزون
والشعر حنا وارثينه وراثه

اسمع له بصدري ترانيم ولحون
متمازج ٍ بين القِدم والحداثه

ازهمك يا شعري اذا كنت محزون
يا من تعلمني اصول الاغاثه

يضوي علي ّ الفكر كنه ضوا الكون
يقبل وكنه شهب وقت انبعاثة

تعجز وانا اشهد كل ابوكم تعجزون
بالموقف اللي عاجزين احتداثه

لا خير بالدنيا اذا كنت مغبون
موتك ولا ذل ٍ عجزت اجتثاثه

والعالم اللي من شقى الوقت يبكون
الفقر بالدنيا حرثهم حراثه

هلو وش اللي ما بقى له تهلون
يا لعنبوه اللي درى بكتراثه

يا ناس يا عالم وش اللي تقولون
الرجل وش يعني ولا به غلاثه

ما اثرو فيني ومهما يسون
عندي سوى مليون ولا ثلاثة

واليا طرولي قلت خلهم يولون
وقتي عبث وياي ذيك العباثة

امشي وحيد ولا معي ناس يمشون
ولا اماشي من يجيب الغثاثه

والله لمشي عكس مانتم تودون
ما دام قلبي مايعرف الخباثه

نفسي لها حق ٍ على من يحقون
واتحثني من فوق معنى الحثاثه

يا من يجيني والمعاني يودون
كني جريح ومنك الاستغاثه

تعليقات الزوار

  • كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
  • التعليقات المنشورة غير متابعة من قبل الإدارة. للتواصل معنا اضغط هنا.
© 2021 - موقع الشعر