الشعر ليمن قالو الشعر وينه!

الشعر ليمن قالوا الشعر وينه
موجود وابياته يشوّق لحنها

مثل البحر تركي عليه السفينه
يبعد مسافة سيرها من وطنها

تظهر بيوته للعقول الفطينه
ابيات جزل الشعريدرون عنها

واكبر حسوف الشعر واكبر غبينه
ناسٍ تهبّد فيه تالي زمنها

ماتدري ايش غثّ المثل من سمينه
واجزل بيوته ماتقدر ثمنها

شاعر يجيب الجزل تسلم يمينه
جزل القوافي في بيوته وزنها

وشاعريخبصها سوات العجينه
ليته يغطيها بداخل صحنها