لاتقول ابي هذا وابي هذا. لـ عبدالله مرزوق المرشدي

لاتقول ابي هذا وابي هذا - عبدالله مرزوق المرشدي

شف طريقك وين لاتمشي كذا
امسك الدرب الصحيح اليا مشيت

لاتطب النار لو تلبس حذا
تنكوي بالجمر لامنك وطيت

مالك ومال اللقافه والوذا
خل خلق الله وناظر وش جنيت

لا لقيت الغانمه منها خذا
واشتر الغالي ليامنك شريت

لاتقول ابي هذا وابي هذا
لازمن بالضبط تعرف وش بغيت

لاتفك اللي بيدك الا اذا
صرت ماسك في يدينك مالقيت

القناعه كنز للعاقل غذا
مو صحيح انك تحصل ماشتهيت

كل شي مكتوب من قبلك لذا
لاتحسر لجل شيٍ ماجنيت

اغلب ورود الجنان الها شذا
بس فيها فرق كانك مادريت

تعليقات الزوار

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
للتواصل مع ادارة موقع الشعر إضغط هنا.