يارسول الله فداك امي وابي. لـ ظافر العتيبي

يارسول الله فداك امي وابي - ظافر العتيبي

مبتداي بذكر ربي والسلام
والصلاة الدائمه على النبي

النبي الهاشمي خير الانام
صفوة الانس اعجمي واليعربي

الشجاع القائد الفذ الحسام
الامين الصادق الشهم الابي

البشير الهادي العدل الامام
طيب الاصل وعريق المنسبي

السراج اللي جلا داج الظلام
يوم ليل الشرك فالارض اسهبي

واستبد الكفر وعيال الحرام
عاثوا في الارض فسادً مرعبي

لاصلاة ولا زكاة ولاصيام
كل قوم الهم إله ومذهبي

وانت ياللي قلبك اسود ماتلام
ممتلي بالحقد والكره تهبي

تحسب ان الحذف ياصل للغمام
والله انك يالغبي دايم غبي

نارك اللي تشبها برد وسلام
والله انه ماحصلك ماتبي

النبي قدره رفيع ولا يضام
الله اللي مصطفيه ومجتبي

ماعلينا من كلام اهل الكلام
كل شيٍ واضحٍ مايختبي

يارسول الله لك مني سلام
يارسول الله فداك امي وابي

تعليقات الزوار

كُل المحتوي و التعليقات المنشورة تعبر عن رأي كتّابها ولا تعبر بالضرورة عن رأي موقع الشعر.
بعض صور الشعراء و الشاعرات غير صحيحة، نرجو تبليغنا إن واجهت هذى المشكلة
إدارة موقع الشعر لا تتابع التعليقات المنشورة او تقوم بالرد عليها إلاّ نادراً.
للتواصل مع ادارة موقع الشعر إضغط هنا.