أوراق

ريّح مفاتيحك من عناد بابي
وذيّر تباريحك عن اهداب الاشواق

ماكنك الا صوت طيف ٍ سرى بي
للموعداللي كفن الوصل بفراق

ياما نزفته في عتيم اغترابي
وشمع السهر من نشوة الحلم مافاق

مثل المدى يرحل معي ياعذابي
واستشعره من وحشةالكون لاضاق

يامن غيابك ماتجاهل غيابي
في فرحةٍ ماتت على شفة عناق

ذكرى هبايب عطرهافي ثيابي
اقسى من سهادالمواجع بالاعماق

اقرب من عيون الغضب عن عتابي
وابعد من الظلما عن عيون الاشراق

واللي قريته (بعض) مافي كتابي
وشلون لو تقرا حزن(كل) الاوراق